Wednesday, November 14th, 2018

Luka Modric Oo Abaalmarinta Xiddiga Adduunka Kula Dagaallamaya Lionel Messi Iyo Cristiano Ronaldo

Published on June 24, 2018 by   ·   No Comments  ·  

(25-6-2018) Xiddiga xulka qaranka Croatia ee Luka Modric ayaa ku biiray ciyaaryahannada liiska hore kaga jira liiska murashaxiinta abaalmarinta xiddiga adduunka ee Ballon d’Or.

Luka Modric oo xulka dalkiisa Croatia u horseeday in labadii ciyaarood ee u horreeyey ee Koobka Adduunka ay guulo waaweyn ka gaadhaan Nigeria iyo Argentina, ayaa sidoo kale waxa uu bandhig ciyaareed cajiib ah muujiyey xili ciyaareedkii tegay oo dhan, waxaana uu naadiga Real Madrid ka caawiyey inay ku guuleystaan tartanka Champions League markii saddexaad oo xidhiidh ah.

32 jirkan oo tan iyo sannadkii 2012 ka mid ahaa ciyaaryahannada rigliga ah ee Real Madrid ayaan marna ku guuleysanin xiddignimada adduunka, hase yeeshee sida ay dad badan aaminsan yihiin xili ciyaareedkan ayaanay jirin cid kaga mudan haddii uu dalkiisa Croatia ka caawiyo inay meel fiican ka gaadhaan Koobka Adduunka.

Difaacyahanka kooxda kubadda cagta Liverpool ee Dejan Lovren ayaa ka mid ah dadka aaminsan in Modric ay sannadkiisii noqon doonto, hase yeeshee, waxa uu ku dooday in mar horeba uu u qalmayey in lasiiyo xiddignimada, laakiin dalka uu kasoo jeedo daraadeed uu ku hadhayey.

“Sababta aanu Modric ugu guuleysan xiddignimadu waa in aanu nahay waddan yar, waxaana lasiiyay dareen ka yar intii uu u qalmayey.” Sidaas waxa yidhi Lovren oo la hadlay warbaahinta xilli uu ku sugan yahay waddanka Ruushka oo uu dalkiisa Croatia kala qayb-gelayo Koobka Adduunka.

“Modric waxa uu heli lahaa dareen ka badan inta hadda la siiyo, haddii uu Jarmal ama Spanish. Xattaa waxa suurtogal ahaan lahayd inuu abaalmarinta xiddiga adduunka ee Ballon d’Or ku guuleysto.” Ayuu mar kale yidhi Lovren.

Cristiano Ronaldo iyo Lionel Messi ayaa tobankii sannadood ee u dambeeyey si isle’eg u qaybsanayey xiddignimada adduunka, waxaana uu mid walbaa ku guuleystay shan jeer, hase yeeshee waligeed may dhicin in ciyaartoy u dhashay waddanka Croatia uu hantiyo abaalmarintan inkasta oo sannadkii 1998 uu kaalinta labaad galay Dovor Suker oo ku guuleystay kabta dahabka ah ee Koobkii Adduunka ee lagu qabtay waddanka Faransiiska.

Luka Modric ayey Real Madrid kala soo wareegtay Tottenham, waxaana uu muddadii uu joogay kula guuleystay afar jeer tartanka Champions League, hal koob oo LaLiga ah iyo hal mar oo Copa del Rey ah.

Xilli ciyaareedkii tegay waxa uu caawiye ka noqday lix gool, hase yeeshee bandhiggiisa kale ayaa ahaa mid layaab ah, waxaana uu dhamaystiray 89.9% kubbadihii uu bixiyey, hase yeeshee labadii ciyaarood ee xulka qarankiisa ee Koobka Adduunka, waxa uu si cajiib ah ugu guuleystay inuu dhaliyo laba gool saddex laag oo uu ku ganay goolka iyo sidoo kale inuu si guulleh u dhamaystiray kubbadihii uu bixiyey 84.5%.

Qalinka Cayaaraha Xafiiska Wararka Muqdisho

E-mail: info@qalinkacayaaraha.com

Wararka Maanta

FIFA Oo Qarka U Saaran Inay Laba Sannadood Oo Xayiraad Suuqa Ah Kusoo Rogto Chelsea – Waa Maxay Sababtu?

(15-11-2018) Kooxda kubadda cagta Chelsea ayaa ku dhow inay la kulanto ciqaab adag oo ka xayiri doonto suuqa ...

Afar Caqabadood Oo Hor Yaalla Tababaraha Barcelona Ka Hor Cayaarta Atletico Madrid

(14-11-2018) Kooxda Barcelona ayaa wali ah hogaamiyaasha horyaalka La Liga inkasta oo ay ceeb iyo waji gabax kala ...

Horyaalka Premier League Guddoomiye Cusub U Doortay Haweenay Madax Ka Ahayd Barnaamijka XAYAWAANKA Ee Telefishanka Discovery

(14-11-2018) Horyaalka kubadda cagta waddanka Ingiriiska ee Premier League ayaa doortay guddoomiye cusub oo beddelaya midkii hore oo ...

Maxay Wadaagaan Lionel Messi Iyo Xiddiga Muslimka Ah Ee Xherdan Shaqiri?

(14-11-2018) Tobankii sannadood ee ugu dambeeyey, ciyaartooyada hibada leh ee soo baxa waxa halbeeg u ahaa Cristiano Ronaldo ...

XULKA RIYADA: Oblak, Modric, Brozovic, Pjanic, Milinkovic-Savic, Perisic & Dzeko – Xulka Qaranka Yugoslavia – Waddankee Iska Celin Lahaa?

(14-11-2018) 11-ka ciyaartoy ee xul ahaan u wada ciyaari lahaa guud ahaan dunida amaba ugu yaraan qaaradda Yurub, ...

Muxuu ku dhamaaday kulankii Itoobiya iyo Soomaaliya?

(14-11-2018) Xulka qaranka Soomaaliya ayaa guul darro qaraar kala kulmay dhigooda Itoobiya oo 4-0 ku martay kulan ka ...

Ganaax Weji Cusub Leh Oo Lagu Riday Weeraryahanka Liverpool Ee Daniel Sturridge – Muxuu Sameeyey?

(14-11-2018I) Weeraryahanka kooxda Liverpool ee Daniel Sturridge ayaa lagu ganaaxay inuu si xun u dhaqmay, isla markaana uu ...

Wargeyska The Sun Oo Daboolka Ka Qaaday Laba Qorshe Oo Midkood Dibedda U Tuurayo Jose Mourinho Oo Maamulka Man United Dejisteen Iyo Macallin Ixtiraam Badan Oo Beddelaya

(14-11-2018) Maamulka kooxda kubadda cagta Manchester United ayaa la sheegay inay miiska saareen laba qorshe oo midkood caddanaynayo ...

RASMI: Zlatan Ibrahimovic Oo Ku Garaacay Wayne Rooney Xiddiga Sannadka Ee Horyaalka Dalka Maraykanka

(14-11-2018) Weeraryahanka reer Sweden ee Ibrahimovic  ayaa ku guuleystay xiddiga ugu wanaagsan horyaalka kubadda cagta dalka Maraykanka, kaddib ...

RAJO LA’AAN: Waxama Haka Sugina Man United Inta Mourinho Joogo

(14-11-2018) Toddobaadkii guul-darrada qadhaadh ee Man United ay ku dhiibtay kooxda ka arrimisa magaalada Manchester oo si buuxda ...

Macalin Antonio Conte muxuu ku maagay Sergio Ramos?

(13-11-2018) Tababarihii hore ee kooxda Chelsea ee Antonio Conte ayaa ugu dambayn ka baxay aamusnaantii isaga oo jawaabo ...

London oo markale qaabileysa Samir Nasri

(13-11-2018i) Cayaaryahankii hore ee Arsenal Samir Nasri ayaa lagu wadaa inuu dib ugu soo laabto Magaalada London iyadoo ...

Rasmi: Santiago Solari oo loo Magacaabay Macalinka Rasmiga ah ee Real Madrid

(13-11-2018) Maamulka kooxda Kubada Cagta  Real Madrid ayaa si Rasmi ah xilka ugu dhiibatay Santiago Solari iyagoona ka ...

Lionel Messi oo ku Guuleystey Xiddiga Sanadka iyo abaal marinta Pichichi

(13-11-2018)Lionel Messi ayaa  loo gacan galiyay abaal marinta Pichichi  ee 2017/18 kaddib markii uu gool dhalinta La Liga ...

Halyeygii Reer Brazil Ee Roberto Carlos Oo Sameeyey Ballan-qaad Ka Farxiyey Jamaahiirta Real Madrid

(12-11-2018) Halyeygii reer Brazil ee Roberto Carlos ayaa sameeyey ballan-qaad ka farxiyey jamaahiirta kooxdiisii hore ee Real Madrid, ...