Tuesday, October 16th, 2018

Daawo Goos Gooska iyo Sawirada England oo u xoog sheegatay Sweden iyo Kane oo aan Gool dhalin

Published on July 7, 2018 by   ·   No Comments  ·  

(07-07-2018) Xulka qaranka England ayaa u soo baxay afar dhamaadka koobka aduunka kadib markii ay si xarago leh u tumeen dhigooda Sweden. Muddo rubuc qarni ku dhawaad uu xulka England ka maqnaa afar dhamaadka koobka aduunka waxay ugu danbayn u muuqdaan kuwo hadda ka mid noqday xulalka koobka aduunka ku guulaysan kara.

Goolka furitaanka ee muhiimada wayn u lahaa England waxaa u dhaliyay Harry Maguire laakiin Dele Alli ayaa goola lbaad ugu quus gooyay Sweden waxayna Three Lions hadda sugi doonaan kulanka Russia iyo Croatia oo ay midkii soo guulaysata afar dhamadka koobka aduunka kula ciyaari doonaan.

Xulka England ayaa afar dhamaadka koobka aduunka u soo baxay markii saddexaad oo kaliya waxayna hore u soo gaadheen wareegan 1966 kii oo ay koobka ku soo guulaysteen halka markii labaad ay ahayd 1990 kii oo ahaa markii ugu danbaysay ee ay afar dhamaadka soo gaadheen.

SHIXIHII LABADA XUL EE KULANKAN:

England XI: Jordan Pickford; Kyle Walker, John Stones, Harry Maguire, Jordan Henderson; Kieran Trippier, Jesse Lingard, Dele Alli, Ashley Young; Raheem Sterling, Harry Kane.

Kaydka: Jack Butland, Nick Pope, Gary Cahill, Danny Rose, Jamie Vardy, Ruben Loftus-Cheek, Fabian Delph, Eric Dier, Phil Jones, Danny Welbeck, Marcus Rashford, Trent Alexander-Arnold.

Sweden XI: Robin Olsen; Emil Krafth, Victor Lindelof, Andreas Granqvist, Ludwig Augustinsson; Viktor Claesson, Sebastian Larsson, Albin Ekdal, Emil Forsberg; Ola Toivonen, Marcus Berg.

Kaydka: Karl-Johan Johnsson, Kristoffer Nordfeldt, Martin Olsson, Gustav Svensson, Filip Helander, Pontus Jansson, Oscar Hiljemark, Marcus Rohden, Jimmy Durmaz, John Guidetti.

DAQIIQADII 30 AAD Xulka England ayaa la yimid goolkiisa furitaanka kadib markii uu difaaca wacdaraha ka dhigaya koobka aduunka ee Harry Maguire uu gool madax ah ku dhaliyay kubbad uu Ashley Young ka soo tuuray koorne, wuxuuna Maguire ciyaarta ka dhigay 1-0 ay Three Lions hogaanka ciyaarta kula wareegeen.

Sideed gool oo ka mid ah 10 kii gool ee uu xulka qaranka England ka soo dhaliyay koobka aduunka ayaa ahaa kuwo ku yimid kubbadaha sare ee aan ciyaarta furan ahayn ama rekoodhayaasha waana boqolkiiba 80% goolashii ay soo dhaliyeen.

Xulka qaranka Sweden ayaa bilaabay in ay si xoogan u raadiyaan goolka barbaraha balse sidoo kale England waxay ku hamiyayeen in ay keensadaan goolka labaad si ay ciyaarta maamulkeeda si buuxda gacanta guu dhigaan.

Raheem Sterling ayaa xulka qarankiisa England ka lumiyay fursado cadaan ah oo uu ugu yaraan ku dhalin karayay goolka labaad gaar ahaan waxa uu si toos ah goolka Sweden kubbada ugula baxay dhamaadkii qaybtii hore laakiin waxa uu awoodi waayay in uu kubbada shabaqa gaadhsiiyo.

England ayaa qaybtii hore gacanta sare ku lahayd kubbad bixinta, boosishanka iyo waliba natiijada taas oo si wayn u farxad galinaysay jamaahiirta Three Lions ee natiijada fiican kulankan ka filayay waxaana qaybtii hore lagu kala nastay 1-0 uu xulka England hogaanka ku hayay isla markaana uu culaysku Sweden ku saarnaa.

Markii layskugu soo laabtay qaybtii labaad ee ciyaarta ayuu xulka Sweden soo laabtay isaga soo doonayay in ay ciyaarta ku soo laabtaan isla markaana ciyaartoyda la soo siiyay dardaarankii ugu danbeeyay ee ay doonayeen in ay xaalada ku badalaan.

DAQIIQADII 47 aad Xulka Sweden ayaa helay fursad cajiib ah oo ay goolka barbaraha ku keensan kareen kadib markii uu Berg sare uga dheeraaday Ashley Young isla markaana uu ku dhawaaday in uu goolkan dhaliyo laakiin goolhaye Jordan Pickford ayaa tayadiisa ku soo bandhigay si uu xulkiisa natiiada ugu ilaaliyo.

DAQIIQADII 58 AAD Xulka qaranka England ayaa la yimid goolka muhiimada wayn u lahaa ee ay xaalada ugu sii xumeeyeen Sweden oo ay cadaadis badan kala kulmayeen waxaana goolka labaad u saxiixay Dele Alli kaas oo caawin aad u fiican ka helay Jesse Lingard, waxayna ciyaartu noqotay 2-0 ay Three Lions hogaanka ugu dheeraysteen.

DAQIIQADII 65 AAD Tababaraha Sweden ayaa hal mar laba isbadal wada sameeyay wuxuuna ciyaarta soo galiyay J. Guidetti iyo Martin Olsson isaga oo saaray O. Toivonen iyo E. Forsberg wuxuuna doonayay in xulkiisu ay meel fog ka soo dagaalamaan.

DAQIIQADII 72 AAD Goolhaye Jordan Pickford ayaa badbaadin kale oo cajiib ah sameeyay kadib markii uu Berg uu fursad gool dhalin muhiim ah ku helay xerada ganaaxa laakiin Sweden ayaa markan aragtay Pickford oo aan si sahlan lagu garaaci karin.

Wax walba oo uu xulka qaranka Sweden iskugu dayay in uu la yimaado goolal waxa joojiyay Pickford oo kulan cajiib ah qaatay waxayna ugu danbayn ciyaartu ku dhamaatay 2-0 ay Three Lions kaga soo talaabsadeen Sweden isla markaana ugu soo baxeen afar dhamaadka koobka aduunka.

Kulanka caawa ee Russia iyo Croatia midkii soo baxa ayay xulka England wada ciyaari doonaan afar dhamaadka koobka aduunka iyada oo riyadii England ee koobka aduunku xaqiiqo buuxda u muuqanayso.

Qalinka Cayaaraha Xafiiska Wararka Muqdisho

E-mail: info@qalinkacayaaraha.com

Wararka Maanta

Magacyada iyo Sawirada 11 Cayaaryahan oo laga Sameeyey Xiddigaha Manchester United ee uu heshiisku ka dhacayo Sanadka danbe

(16-10-2018) Macalinka kooxda Manchester united Jose Mourinho ayaa wajahaya dhibaato weyn kadib markii sida lacadeeyey uu heshiisku ka ...

Daawo: Spain oo 15 Sano kadib lagu Garaacay Ciidooda

(16-10-2018) Xulka kubada Cagta England ayaa Guul muhiim ah ka gaaray kulankii xiisaha badnaa ee ay Garoonka Sevilla ...

Kooxda PSG oo Gashay booskii Real Madrid ee doonista David de Gea

(16-10-2018) Kooxda Kubada Cagta PSG ee dalka France ayaa shaaca ka qaaday in ay dooneyso Goolhayaha dalka Spain ...

Rikoorada laga diiwaan geliyey qaybta hore Kulanka Mucjisada ah ee Spain iyo England+Sawiro

(16-10-2018) Cayaaryahanka kooxda Manchester City iyo xulka dalka England ee Raheem Sterling  ayaa Noqdey Cayaaryahankii koobaad ee Ingiriis ah ...

Sadio Mane oo Gacan ka jabay kuna biirey Xiddigaha Muhiimka ah ee ka dhaawacmay Liverpool+Sawiro

(16-10-2018) Kooxda Kubaad Cagta Liverpool ayaa lasheegayaa in ay haysato dhibaato dhanka dhaawacyada ah kadib markii lasheegay in ...

Xiddiga Musaaricada John Cena Oo Muddo Dheer Garoomada Ka Maqnaan Doona Iyo Dalka Sucuudiga Oo Sugaya Soo Laabashadiisa

(16-10-2018) Halyeyga 16-ka jeer ku guuleystay Champions-ka ciyaaraha legdinta WWE ee Musaaricada, John Cena ayaa muddo dheer ka ...

Dorival Junior” AC Milan waxa ay Gacanta ku dhigtay Xiddiga lamid ah Kevin de Bruyne ama Luka Modric’

(16-10-2018) Macalinka kooxda Kubada cagta Flamengo Dorival Junior ayaa shaaca ka qaaday in Naadiga AC Milan ay Gacanta ku ...

Luka Modric Oo Shaaciyey Xiddiga Uu Ku Riyoodo Inuu Ka Garab Cayaaro

(16-10-2018) Xiddiga xilli ciyaareedkan cidkasta ka yaabsanaya ee Luka Modric ayaa doortay halyeeyga dookhiisa ah ee uu jeclaan ...

Dilka Wariye Jamal Khashoggi Oo Baajiyey Cayaartii Ugu Weynayd Dunida Bilaha Ka Hadhay Sannadka

(15-10-2018) Dalka Sucuudi Carabia ayaa la dhibaatoonaya ceebta kasoo gaadhay dilka wariye Jamal Khashoggi oo lagu dhex khaarajiyey ...

Liverpool oo ka Walaacsan dhaawacyada soo gaaray Xiddigaha Mohamed Salah iyo Virgil van Dijk

(15-10-2018) Kooxda Kubada cagta Liverpool ee dalka England ayaa laxaqiijiyey in ay aad uga walacsantahay dhaawacyo lasheegay in ...

Maxaa kajira in Jose Mourinho iyo Eden Hazard kusii jeedaan Real Madrid?

(15-10-2018) Waxaa isa soo taraya Wararka ku sii dhaweynaya Real Madrid Macalinka Manchester United Jose Mourinho iyo iddiga ...

Magacayada 11 Cayaaryahan Caan ah oo koox la.aan ah kana fariisan Kubada cagta?Sawiro

(15-10-2018) Waxaan idiin soo gudbineynaa aqristeyaal magacyada 11 Cayaaryahan oo caan ah isla Markaana xiligaan dibad joog ka ...

Rasmi: Patrick Cutrone oo heshiis Cusub u Saxiixay AC Milan

(15-10-2018) Kooxda Kubada Cagta AC Milan ayaa si rasmi ah ugu dhawaaqday in ay heshiis cusub lagaartay Weeraryaahnka ...

Kooxda Banaadir Sports oo u soo baxday Finalka koobka Jeneral Da uud markii ay ka badiyeen Saxafi

(15-10-2018) Kooxda Kubada Cagta Banaadir Sports ayaa xaqiijisey in ay u soo gudubtay kama dambaysta koobka koobabka Jeneral ...

Xiriirka Kubadda Cagta Ingiriiska Oo Si Kulul U Canaantay Taageereyaashiisa Oo Rabshado Ka Sameeyey Spain+Sawiro

(15-10-2018) Xidhiidhka kubadda cagta Ingiriiska ayaa si xun u canaantay taageereyaasha xulka qaranka England ee ku sugan waddanka ...