Wednesday, November 14th, 2018

Daawo Goos Gooska iyo Sawirada Faransiiska oo ka dul talaabsaday Belgium isla Markaana Gaaray Finalka koobka aduunka

Published on July 10, 2018 by   ·   No Comments  ·  

(11-7-2018) Xulka qaranka France ayaa u soo baxay finalka koobka aduunka kadib markii ay 1-0 ku khaarajiyeen Belgium. Samuel Umtiti ayaa noqday geesiga xulka France kadib marii uu dhaliyay goolka kaliya ee uu xulkiisu ku garaacay Belgium isla markaana ay ugu soo baxeen finalka koobka aduunka.

France ayaa hadda diirada saari doona kulanka finalka koobka aduunka oo ay la ciyaari doonaan midkii habeen danbe soo baxa England iyo Croatia. Xulka qaranka France ayaa si cajiib ah uga soo gudbay imtixaanadii ay soo mareen waxayna hadda diyaar u yihiin in ay koobka aduunka hantaan markii labaad.

SHIXIHII LABADA XUL QARAN EE KULANKAN:

France XI: Hugo Lloris; Benjamin Pavard, Raphael Varane, Samuel Umtiti, Lucas Hernandez; N’Golo Kante, Paul Pogba; Kylian Mbappe, Antoine Griezmann, Blaise Matuidi; Olivier Giroud.

Kaydka:  Alphonse Areola, Steve Mandanda, Presnel Kimpembe, Corentin Tolisso, Benjamin Mendy, Steven N’Zonzi, Ousmane Dembele, Djibril Sidibe, Thomas Lemar, Adil Rami, Florian Thauvin, Nabil Fekir.

Belgium XI: Thibaut Courtois; Vincent Kompany, Toby Alderweireld, Jan Vertonghen; Axel Witsel; Nacer Chadli, Mousa Dembele, Maroaune Fellaini, Kevin De Bruyne; Romelu Lukaku, Eden Hazard.

Kaydka:  Koen Casteels, Simon Mignolet, Adnan Januzaj, Youri Tielemans, Thomas Vermaelen, Thorgan Hazard, Leander Dendoncker, Yannick Carrasco, Dries Mertens, Michy Batshuayi, Dedryck Boyata.

Qaybtii hore ee kulankan labada xul ee France iyo Belgium ayaa sameeyay fursado gool dhalineed gaar ahaan xulka qaranka France ayaa helay fursado dahabi ah laakiin waxay ku fashilmeen in ay ka faa’iidaystaan iyada oo Mbappe iyo Giroud ay awoodi waayeen in xulkooda ay uga faa’iideeyaan fursadihii so maray.

Dhinaca xulka qaranka Belgium waxaa halista ugu badan France ku abuurayay Eden Hazard laakiin waxaa meesha ka maqnayd saamayntii xooganayd ee De Bruyne iyo Lukaku waxayna labada xul qaybtii hore awoodi waayeen in ay wax goolal ah dhaliyaan.

Marka la eego fursadihii ay labada xul abuureen gaar ahaan xulka France iyo in qaybtii hore gool la’aan lagu kala nastay waxay ahayd fariin ay labada tababare u baahnaayeen in ay akhristaan waqtigii nasashada oo ay ciyaartoydooda u soo dardaarmaan.

Markii layskugu soo laabtay qaybtii labaad ee ciyaarta ayay France iyo Belgium bilaabeen in ay halkoodii ka sii wadaan dagaalkii qaybtii hore gool la’aanta ku dhamaaday waxayna markan si xoogan u raadinayeen in ay goolal la yimaadaan.

DAQIIQADII 51 AAD Xulka qaranka France ayaa jabiyay ismari waagii ciyaarta kadib markii uu Samuel Umtiti noqday geesiga qarankiisa goolka muhiimada wayn lahaa u keenay iyada oo kubbad uu koorne ka soo tuuray Griezmann uu Umtiti ka awood batay Fellaini waxayna ciyaartu noqotay 1-0 uu France hogaanka ciyaarta kula wareegay.

DAQIIQADII 60 AAD Tababaraha Belgium Roberto Martinez ayaa shaxdiisa isbadal ku sameeyay si ay goolka barbaraha u raadiyaan wuxuuna ciyaarta soo galiyay Dries Mertens isaga oo saaray M. Dembélé wuxuuna Belgium bilaabay in ay si xoogan u raadiyaan goolka barbaraha.

France ayaa markan awooda saaray in ay natiijada ay guusha ugu taagnaayeen ilaashadaan halka Belgium ay awoodoodii iskugu geeyeen weerarka si ay ciyaarta ugu soo laabtaan waxayna xaaladu noqotay mid sii adkaatay.

DAQIIQADII 80 aad Markii xaaladu isbadali wayday Belgium ayaa sameeyay badal kale waxaana kaydka looga yeedhay Y. Carrasco waxaana dardaaran dheeraad ah siiyay Thierry Henry oo ka mid ahaa kooxdii France koobka aduunka ku hogaamisay 1998 kii balse markan waxa uu doonayay in Carrasco uu France guusha ka joojiyo iyada oo ciyaarta laga saaray M. Fellaini.

DAQIIQADII 81 AAD Belgium ayaa ku dhawaaday in ay ciyaarta ku soo laabtaan kadib markii uu Hazard fursad fiican helay laakiin waxaa si cajiib ah u joojiyay Varane balse kubbada ayaa u tagtay  Witsel kaas oo darbo ku beegsaday goolka France laakiin goolhaye Lloris ayaa dhinac iskaga leexiyay!.

DAQIIQADIHII 85 AAD IYO  86 AAD Tababaraha France ayaa khadka dhexe ee kooxdiisa soo xoojiyay wuxuuna soo galiyay N’Zonzi iyo C. Tolisso si ay natiijada ciyaarta ugu xafidaan waxaana la saaray B. Matuidi iyo Giroud.

Xulka Belgium ayaa waqtiga la baratamayay si ay goolka barbaraha u keensadaan isla markaana ay ciyaarta waqti dheeri ah ugu dari karaan laakiin France ayaan doonayn in ay shaqo kale isku furaan waxayna samaynayeen wax walba oo ay natiijada ku ilaashan karaan.

Si kastaba ha ahaatee, xulka qaranka France ayaa awooday in ay Belgium aamusiiyaan isla markaana ayna la iman goolka barbaraha taas oo keentay in ugu danbayn ay ciyaartu ku dhamaatay 1-0 uu France ku garaacay Belgium waxayna u soo baxeen finalka koobka aduunka iyaga oo sugi doona England iyo Croatia midkii soo baxa.

Qalinka Cayaaraha Xafiiska Wararka Muqdisho

E-mail: info@qalinkacayaaraha.com

Wararka Maanta

FIFA Oo Qarka U Saaran Inay Laba Sannadood Oo Xayiraad Suuqa Ah Kusoo Rogto Chelsea – Waa Maxay Sababtu?

(15-11-2018) Kooxda kubadda cagta Chelsea ayaa ku dhow inay la kulanto ciqaab adag oo ka xayiri doonto suuqa ...

Afar Caqabadood Oo Hor Yaalla Tababaraha Barcelona Ka Hor Cayaarta Atletico Madrid

(14-11-2018) Kooxda Barcelona ayaa wali ah hogaamiyaasha horyaalka La Liga inkasta oo ay ceeb iyo waji gabax kala ...

Horyaalka Premier League Guddoomiye Cusub U Doortay Haweenay Madax Ka Ahayd Barnaamijka XAYAWAANKA Ee Telefishanka Discovery

(14-11-2018) Horyaalka kubadda cagta waddanka Ingiriiska ee Premier League ayaa doortay guddoomiye cusub oo beddelaya midkii hore oo ...

Maxay Wadaagaan Lionel Messi Iyo Xiddiga Muslimka Ah Ee Xherdan Shaqiri?

(14-11-2018) Tobankii sannadood ee ugu dambeeyey, ciyaartooyada hibada leh ee soo baxa waxa halbeeg u ahaa Cristiano Ronaldo ...

XULKA RIYADA: Oblak, Modric, Brozovic, Pjanic, Milinkovic-Savic, Perisic & Dzeko – Xulka Qaranka Yugoslavia – Waddankee Iska Celin Lahaa?

(14-11-2018) 11-ka ciyaartoy ee xul ahaan u wada ciyaari lahaa guud ahaan dunida amaba ugu yaraan qaaradda Yurub, ...

Muxuu ku dhamaaday kulankii Itoobiya iyo Soomaaliya?

(14-11-2018) Xulka qaranka Soomaaliya ayaa guul darro qaraar kala kulmay dhigooda Itoobiya oo 4-0 ku martay kulan ka ...

Ganaax Weji Cusub Leh Oo Lagu Riday Weeraryahanka Liverpool Ee Daniel Sturridge – Muxuu Sameeyey?

(14-11-2018I) Weeraryahanka kooxda Liverpool ee Daniel Sturridge ayaa lagu ganaaxay inuu si xun u dhaqmay, isla markaana uu ...

Wargeyska The Sun Oo Daboolka Ka Qaaday Laba Qorshe Oo Midkood Dibedda U Tuurayo Jose Mourinho Oo Maamulka Man United Dejisteen Iyo Macallin Ixtiraam Badan Oo Beddelaya

(14-11-2018) Maamulka kooxda kubadda cagta Manchester United ayaa la sheegay inay miiska saareen laba qorshe oo midkood caddanaynayo ...

RASMI: Zlatan Ibrahimovic Oo Ku Garaacay Wayne Rooney Xiddiga Sannadka Ee Horyaalka Dalka Maraykanka

(14-11-2018) Weeraryahanka reer Sweden ee Ibrahimovic  ayaa ku guuleystay xiddiga ugu wanaagsan horyaalka kubadda cagta dalka Maraykanka, kaddib ...

RAJO LA’AAN: Waxama Haka Sugina Man United Inta Mourinho Joogo

(14-11-2018) Toddobaadkii guul-darrada qadhaadh ee Man United ay ku dhiibtay kooxda ka arrimisa magaalada Manchester oo si buuxda ...

Macalin Antonio Conte muxuu ku maagay Sergio Ramos?

(13-11-2018) Tababarihii hore ee kooxda Chelsea ee Antonio Conte ayaa ugu dambayn ka baxay aamusnaantii isaga oo jawaabo ...

London oo markale qaabileysa Samir Nasri

(13-11-2018i) Cayaaryahankii hore ee Arsenal Samir Nasri ayaa lagu wadaa inuu dib ugu soo laabto Magaalada London iyadoo ...

Rasmi: Santiago Solari oo loo Magacaabay Macalinka Rasmiga ah ee Real Madrid

(13-11-2018) Maamulka kooxda Kubada Cagta  Real Madrid ayaa si Rasmi ah xilka ugu dhiibatay Santiago Solari iyagoona ka ...

Lionel Messi oo ku Guuleystey Xiddiga Sanadka iyo abaal marinta Pichichi

(13-11-2018)Lionel Messi ayaa  loo gacan galiyay abaal marinta Pichichi  ee 2017/18 kaddib markii uu gool dhalinta La Liga ...

Halyeygii Reer Brazil Ee Roberto Carlos Oo Sameeyey Ballan-qaad Ka Farxiyey Jamaahiirta Real Madrid

(12-11-2018) Halyeygii reer Brazil ee Roberto Carlos ayaa sameeyey ballan-qaad ka farxiyey jamaahiirta kooxdiisii hore ee Real Madrid, ...