Friday, February 22nd, 2019

Toddoba Isbeddel Oo Unai Emery Uu Ku Sameeyey Arsenal Si Uu Jabkii Wenger Uga Badbaado

Published on October 10, 2018 by   ·   No Comments  ·  

(10-10-2018) Tababare Unai Emery ayaa Arsenal kusoo celiyey kaalmaha sare ee loollanka ugu jira horyaalka xili ciyaareedkan, waxaanay laba dhibcood oo kaliya ka hoosaysaa Liverpool iyo Manchester City oo wada jir hoggaanka u haya, kulankii ugu dambeeyeyna waxay Gunners 5-1 ku xasuuqday Fulham oo ay weliba marti u ahayd.

Bandhig ciyaareedkan wanaagsan ee guulaha horseeday, ayaa waxa uu ka dhashay toddoba isbeddel oo uu Unai Emery ku sameeyey kooxdii uu ka tegay Wenger ee kaalinta lixaad kaga dhamaysatay horyaalka xili ciyaareedkii hore.

Calaamadaha ka muuqda Arsenal xili ciyaareedkan bilowga ah, waxay muujinayaan inay aad uga duwan tahay kooxdii uu Wenger ka tegay, jamaahiirtuna waxay ku qabi karayaan kalsooni inkasta oo bilowgii ugu horreeyey ay walaac aan sii soconin niyadda gashadeen.

Haddaba, waxa aanu halkan idiinku soo gudbinaynaa toddoba isbeddel oo uu Emery uu ku sameeyey kooxdii uu ka dhaxlay Wenger, kuwaas oo ka caawiyey inuu kasbado quluubta taageereyaasha iyo ciyaartooyadaba.

Tababarka garoonka Emirates: Isbeddelka ugu horreeya ee uu Unai Emery ka sameeyey Arsenal ayaa ah in wakhti badan ay ku tababartaan garoonka Emirates iyo goomada kale ee ay martida ku yihiin, si aanay dhibaato ugu dareemin marka ay ciyaaraha tooska ah ku leeyihiin.

Alex Iwobi ayaa laga soo xigtay in marka ay garoonkooda ku samaynayaan tababarka ay uga dhigan tahay sidii ay ciyaar caadi ah ku jiraan, taasina ka caawinayso inay si fiican ula qabsadaan garoonka iyo ciyaartooyada laftooduba si wacan iskula gartaan qaabka ay isku helayaan marka ciyaar ay iskaga hor yimaaddeen kooxaha kale.

Emery oo isku dayaya shaxo kala duwan: Tababare Emery ayaa xili ciyaareedkan waxa uu kooxdiisa ku ciyaarsiiyey saddex shaxood oo kala duwan, kuwaas oo uu marba meel awoodda saaray, sida weerarka oo uu kordhiyey amaba dhexda oo uu kordhiyey. Tallaabadi waxay aad uga duwan tahay qaab-ciyaareedkii Arsene Wenger oo muddo 22 sannadood ah shax isku mid ah ku ciyaarsiinayey Arsenal.

Aqoonta uu u leeyahay kooxaha uu la ciyaarayo: Emery waxa uu si fiican u daraaseeyaa kooxaha ay la ciyaarayaan ka hor inta aan la gaadhin wakhtiga ay garoonka iskugu soo gelayaan, taasina waxay ka caawisaa inuu si adag ugu sii diyaar garoobo amaba uu kula ciyaaro shax fudud oo aanu ciyaartoygiisa waaweyn halis gelinin.

Kulankii tartanka Europa League ee Qarabag, waxa uu si fiican u muujiyey inuu aqoon durugsan u leeyahay naadigaas ay la ciyaarayeen, waxaanu nasiyey ciyaartoygiisa muhiimka ah, halka tababarihii uu shaqada ka beddelay ee uu ciyaartooyadiisa ugu wanaagsan kusoo bilaabay ciyaar ay iskaga hor yimaaddeen naadiga yar ee Ostersunds, taas oo caddaysay in aanu sii daraasaynin kooxaha ka hor imanaya.

Kubbadaha dhaadheer: Shaki kuma jiro in taageereyaashu la dhacsan yihiin isbeddelka uu ku sameeyey qaab-ciyaareedkii caajiska ahaa ee Arsenal ee lasii saadaalin jiray sida uu noqonayo, waxaanu kusoo kordhiyey kubbado dhaadheer oo kooxaha ay ku adkaanayso inay sii qiyaasi karaan.

Horumarka ciyaartooyada ee ka dhashay cadaadiska: Qaab-ciyaareedka iyo adkaysiga ayey ciyaartooyadu ka sameeyeen horumar, waxaana faa’iidada ugu badan ka helay Iwobi iyo Hector Bellerin.

Siyaasadda uu ciyaartooyada kula dhaqmo tababare Emery ayaa ah mid qabow oo saaxiibtinimo ku jirto, hase yeeshee markay noqoto shaqada, waxa uu laacib walba amar ku siiyaa inuu waajibkiisa kasoo baxo, isagoo wakhtiyada qaarkoodna sidii dad saaxiibbo ah ula sheekaysta.

Da’yarka Emile Smith Rowe oo ka sheekeeyey hab-dhaqanka saaxiibtinimada leh ee Emery, ayaa waxa uu yidhi: “Waa qof si dhab ah ii caawiya aniga, sababtoo ah mar walba tababarka kaddib ayuu ila hadlaa. Koox ahaana, mar walba wuu nala hadlaa, shirar badan ayaanu yeelanaa marka aanu tababarka dhamaysano iyo xattaa ka hor ciyaaraha”

Qofna ma haysto boos joogto ah: Unai Emery awood buuxda ayuu ku leeyahay gudaha kooxda, mana jiro ciyaartoy uu u habrado amaba mid uu ku ixtiraamo maamulka oo loo sheego in aanu fadhiisinin amaba sidii Wenger aanu ku dhiirranin inuu kaydka geliyo.

Wakhtigii uu Arsene Wenger macallinka ahaa, may dhici jirin inuu fadhiisiyo Alexis Sanchez iyo Mesut Ozil, hase yeeshee, Emery waxa uu kaydka u diray Ozil, Ramsey, Aubameyang iyo xattaa ciyaartoy kasta oo la tuhmi lahaa inuu hoggaamiye ka yahay

Baahidii Dhexda dambe ee difaaca xigta oo uu daboolay: Intii ay Arsenal weyday halyeygii reer Brazil ee Gilberto Silva, waxa iska bannaanayd khadka dhexe ee difaaca xigta, weeraryahannada ka soo horjeedaana waxay si fudud u gaadhi karayeen afarta difaaca ah iyo goolhayaha, hase yeeshee xili ciyaareedkan way isbeddeshay taasi.

Laacibka reer Uruguay ee Torreira oo xagaagii ay Arsenal soo iibsatay ayaa uu boos joogto ah ka siiyey difaaca hortooda, waxaanu noqday ilaaliye ay ku nasteen, fursad fiicanna waxa helay Granit Xhaka oo hore ugu ruqaansaday habaynta kubbadaha iyo caawinta weeraryahannada.

Toddobadan isbeddel ee uu hirgeliyey tababare Unai Emery ayaa neefta kusoo celiyey Arsenal, waxaanay taageereyaashu dareensan yihiin in macallinkoodu uu la tartami karayo Jurgen Klopp, Mauricio Pochettino, Pep Guardiola, Sarri iyo Jose Mourinho.

Si kastaba ha ahaatee, Arsenal ayaa qaybta hore ee xili ciyaareed kasta wanaagsanaan jirtay, hase yeeshee waxay siiban jirtay oo ay ka bixi jirtay kooxaha sare marka la gaadho bisha February, waxaana macallinkan la eegi doonaa sida uu u dhaafo bishaas masiibada ku ahayd tobankii sannadood ee ugu dambeeyey.

Qalinka Cayaaraha Xafiiska Wararka Muqdisho

E-mail: info@qalinkacayaaraha.com

Wararka Maanta

Madaxweynaha Ac Milan Paolo Scaroni Oo Dhac Layaab Leh Loo Geystay & Haweeney Qaab Cajiib Ah Garab Usiisay Dambiilaha.

(16-12-2018) Madaxweynaha kooxda Ac Milan Paolo Scaroni ayaa lagu soo waramayaa in laga xaday jimcadii shalay aheyd boorso ...

Macalinka Kooxda Liverpool Jurgen Klopp oo Ka Hadlay Jose Mourinho Ka Hor Ciyaarta Manchester United iyo Liverpool

(16-12-2018) Tababaraha kooxda Liverpool Jurgen Klopp ayaa ka hadlay dhigiisa Manchester United ee Jose Mourinho iyo ciyaarta ay ...

Khabiirada Shabakadda Mirror Football Oo Isku Khilaafay Shaxda Isku Dhaf Ah Kulanka Liverpool vs Man United – Mid Walba Shax Ayuu Doortay!

(16-12-2018) Kulanka ugu weyn England ayaa berito dhici doona, waana kulan aan laga mideysneyn aragtida laga aaminsan yahay, ...

Wiilkii Uu Dunida Kaga Tegay Feedhyahankii Muslimka Ahaa Ee Mohamed Ali Oo Qarka U Saaran Inuu Dawarsado Ama Tuugsado Sabab?

(16-12-2018) Wiilka kaliya ee uu dhalay feedhyahankii Muslimka ahaa ee Muhammad Ali ayaa ku sugan xaalad nololeed oo ...

Wanda Nara Oo Diyaarinaysa Qandaraas Dabar Ku Noqonaya Mauro Icardi

(16-12-2018) Wanda Nara oo ah xaaska iyo Wakiilka ciyaartoyga reer Argentina ee Mauro Icardi oo afka hore uga ...

Farriintii Uu Diego Costa U Diray Arsenal Markii Uu Dhaawacay Laurent Koscielny Iyo Qaabkii Axmaqnimada Ahaa Ee Uu Isku Difaacay

(16-12-2018) Difaaca Arsenal ee Laurent Koscielny ayaa shaaciyey inuu u bilaabmay wax uu ugu yeedhay ‘Cutubka Cusub Ee ...

Barcelona Oo Baadi Goobaysa Beddelka Luis Suarez Iyo Xiddigaha Ay Isha Ku Hayso

(16-12-2018) Luis Suarez hadda da’diisu waxay noqotay 32 jir, waxaana kooxdiisa Barcelona u muuqatay in ay u baahan ...

Daawo Goos Gooska iyo Sawirada Manchester City oo Mar Kale Hogaanka Si Ku Meel Gaadh ah U Qabatay Maanta.

(15-12-2018) Cayaar ay maanta wada ciyaareen kooxda Manchester City iyo kooxda Everton oo ahayd horyaalka dalka ingiriiska oo ...

Layaab!: Boqortooyada Kuwait oo la ogaadey in ay lacag ka dhacday Cayaartoy waa weyn oo magac leh

(15-12-2018) Lix bilood kaddib markii dalka Kuwait uu martigeliyey ciyaar ay iskugu yimaaddeen xiddigaha waaweyn ee dunida oo ...

Dhamaan Kulamada Sabtiga iyo Saacadaha Geeska Africa ee ay bilaaban doonaan?

(15-12-2018) Waxaan idiin soo Gudbineynaa dhamaan Cayaaraha dhici doona Sabtiga ee ku tirsan Horyaalada kala duwan ee qaarada ...

Halyeygii Manchester United Ee Willie Morgan Oo Magacaabay Afarta Ciyaartoy Ee Uu Doonayo In Kooxdiisa Hore Iska Iibiso Bisha January

(15-12-2018) Halyeygii Manchester United ee Willie Morgan ayaa aaminsan in tababaraha kooxdaas Jose Mourinho ay tahay inuu iibiyo ...

May Ahayn In Arsenal Loo Ogolaado Inay Ciyaarto Europa League – Tababaraha Qarabag Oo Dood Cajiib Ah Bedka Keenay Kaddib Guushii Gunners Sabab?

(15-12-2018) Kooxda kubadda cagta Arsenal ayaa sii wadda guul-darro la’aanta xidhiidhka ah, waxaanay xalay 1-0 ku muquunisay naadiga ...

Qorshaha Jose Mourinho Ku Qaban Doono Salah, Mane & Firmino, Dhibaatada Difaaca Ee Haysata Iyo Sida Uu U Kala Xulan Doono Xiddigaha Uu Haysto

(15-12-2018) Manchester United ayaa Axadda safar ugu tegaysa Liverpool oo kulankooda ugu horreeya xili ciyaareedkan ee horyaalka Premier ...

Cristiano Ronaldo Oo Markale looga yeeray Maxkamad dalka Spain ah iyo Ciqaabta uu lakulmi doono?

(15-12-2018) Maxkamad ku taalla dalka Spain ayaa go’aamisay xilliga ay dhegaysan doonto dacwad la xidhiidha lunsi cashuuro oo ...

Magacayada iyo Sawirada 5 ta Cayaaryahan ee dhalisay Goolasha ugu badan Sanadkaan 2018

(15-12-2018) Waxaan idiin soo Gudbineynaa Magacayada iyo Sawirada 5 ta Cayaaryahan ee dhalisay Goolasha ugu badan Sanadkaan 2018 kaas ...