Friday, February 22nd, 2019

Manchester Derby: Saddexda Arrimood Oo Go’aamin Doona Kooxda Guuleysanaysa, Meelaha Dagaalka Ugu Adag Ka Iman Doono Iyo Qorsheyaasha Pep & Jose

Published on November 10, 2018 by   ·   No Comments  ·  

(11-11-2018) Kulanka ugu weyn toddobaadkan horyaalka waddanka Inigriiska ee Premier League ayaa waxa ku ballansan labada kooxood isku magaalada ah ee Manchester City iyo Manchester United, kuwaas oo kulankooda ugu horreeya xili ciyaareedkan ku kulamaya garoonka Etihad.

City oo hoggaaminaysa horyaalka Premier League oo xili ciyaareedkii horena ay ku guuleysatay ayaa waxay soo dhoweyn doontaa Manchester United oo kaalinta labaad ku dhamaysatay sannadkii hore.

Saadaal kala duwan ayaa laga bixiyey meelaha ay  ciyaartan labada kooxood ku kala adkaan doonaan iyo midkooda guushu raaci doonto, balse khubarada ciyaaaruhu waxay intooda badan guusha siiyeen Pep Guardiola oo garoonkeeda ku ciyaaraysa, balse waxa jira meelo ay labada kooxood ku dagaallami doonaan, kuwaas oo midkooda ku gacan sarreeya ay guushu raaci doonto.

Waxa aanu halkan idiinku soo gudbinaynaa saddex meelood oo dagaalka labada kooxood u badnaan doono, midkooda ku guuleystaana saddexda dhibcood qaadan doono.

  1. Raheem Sterling vs Ashley Young: Shaqo wanaagsan ayuu Ashley Young qabtay intii uu ka ciyaarayey difaaca, masuuliyadda ugu badanna waxay fuushay markii loo xidhay calaamadda kabtanimada oo mar kale gacantiisa bidix ka muuqan doonto marka ay berri iska hor yimaaddaan Manchester City.

Kulankan uma fududaan doono Ashley Young, waxaana uu dagaal la geli doonaa ciyaartoy lagu tilmaamo inuu yahay hormoodka weerarka iyo burburiyaha difaacyahannada ka hor yimaadda Manchester City, waana Raheem Sterling.

Sterling ayaa waqti fiican ku qaadanaya City, waxaanu sii wadaa dhalinta goolasha oo xili ciyaareedkii horena uu 23 jeer goolal dhaliyey dhamaan tartamada. Xili ciyaareedkan hadda socda, waxa uu dhaliyey todoba gool 14 ciyaarood oo uu saftay dhamaan tartamada, balse saamayntiisa kale ayaa ka badan goolashiisa.

Ashley Young iyo Raheem Sterling, midkooda ku gacan sarreeya dagaalkooda halka boos ku dhex maraya, waxay saamayn badan ku yeelan doontaa sida ay noqonayso natiijadu iyo kooxda guusha la hoyan doonta.

  1. Anthony Martial vs Kyle Walker: Difaac iyo weerar iska soo horjeeda, laba orod badan oo tayadoodu sarrayso. Martial oo kulamadii ugu dambeeyey qaab ciyaareed fiican muujiyey ayaa waxa uu ka hor tegi doonaan Kyle Walker oo sannadkii 2017 ay Manchester City lacag badan kaga soo iibsatay Tottenham, waxaana dagaalkooda midka ku gacan sarreeyaa uu ka caawin doonaa kooxdiisa inay dhibcaha ciyaarta qaadato.

Martial oo dhaliyey goolal shantii ciyaarood ee ugu dambaysay, waxa uu mar kale kasoo muuqan doonaa shaxda tababare Mourinho oo uu ka baxay bilowgii hore, orodkiisa iyo xarfaddiisa badana waxa uu u adeegsan doonaa inuu ku jabiyo Walker oo difaaca midig u istaagi doona City, haddii uu ku guuleysto inuu soo dhaafana waxa uu ku dhowaan doonaa goolka oo haddii uu dhaliyo ay si weyn u damaashaadi doonaan jamaahiirta niyad-samidiisa soo celiyey.

Walker ayaa isaguna casharo ka qaatay tababare Pep Guardiola oo u sharraxay siyaabaha uu u qaban karo Martial, waxaanay sii dejiyeen qorshihii ay kaga dhigi lahaayeen maqane jooga.

  1. Ander Herrera vs Bernardo Silva: Loollanka khadka dhexe, khibradda iyo halganka ugu adag – Xiddiga khadka dhexe ee reer Spain ee Herrera oo si wanaagsan u ciyaaray kulankii Champions League ee Juventus ayaa la filayaa inuu kusoo bilowdo shaxda United, haddii ay dhacdana waxay si toos ah iskaga hor iman doonaan Bernardo Silva oo buuxin doona booska uu banneeyey Kevin de Bruyne oo dhaawac ah.

Bernardo oo kaashanaya David Silva waxay noqon doonaan fureyaasha ciyaarta Manchester City, waxaana lugtooda bidixda ee kalsoonida badan ay ku jirto ay isku deyi doonaan inay ku kala daadiyaan dhexda United, balse Herrera oo tamarta ku jirtaa tahay dabiici aan dhamaad lahayn, ayaa waxa uu u xilsaarnaan doonaa qabashada labadan ciyaartoy gaar ahaan Bernardo.

Haddii Bernardo iyo Silva ay gacanta sare yeeshaan, waxay kala daadin doonaan Manchester United oo tababaheeda Jose Mourinho mar kale lagu dhalleecayn doono in aanu iska celin karaynin Pep Guardiola, haddiise Herrera oo gacan ka helaya Matic iyo Pogba ay awoodda sare yeeshaan, waxa 90-ka daqiiqadood ee ciyaarta ay United ku qaadan doontaa iyadoo niyadda ku haysa guusha, balse City ayaa markaas kubaddeeda baaska ku dhisan ka keeni karta dhinacyada.

Si kastaba ha ahaatee, saddexdan meelood ayaa la filayaa in dagaalka ugu adag ee labada kooxood uu ka  dhaco, macallimiinta khibradda badan ee Pep Guardiola iyo Jose Mourinho na ay sii qorsheeyaan sida ay uu midba midka kale u jabinayo.

Qalinka Cayaaraha Xafiiska Wararka Muqdisho

E-mail: info@qalinkacayaaraha.com

Wararka Maanta

Madaxweynaha Ac Milan Paolo Scaroni Oo Dhac Layaab Leh Loo Geystay & Haweeney Qaab Cajiib Ah Garab Usiisay Dambiilaha.

(16-12-2018) Madaxweynaha kooxda Ac Milan Paolo Scaroni ayaa lagu soo waramayaa in laga xaday jimcadii shalay aheyd boorso ...

Macalinka Kooxda Liverpool Jurgen Klopp oo Ka Hadlay Jose Mourinho Ka Hor Ciyaarta Manchester United iyo Liverpool

(16-12-2018) Tababaraha kooxda Liverpool Jurgen Klopp ayaa ka hadlay dhigiisa Manchester United ee Jose Mourinho iyo ciyaarta ay ...

Khabiirada Shabakadda Mirror Football Oo Isku Khilaafay Shaxda Isku Dhaf Ah Kulanka Liverpool vs Man United – Mid Walba Shax Ayuu Doortay!

(16-12-2018) Kulanka ugu weyn England ayaa berito dhici doona, waana kulan aan laga mideysneyn aragtida laga aaminsan yahay, ...

Wiilkii Uu Dunida Kaga Tegay Feedhyahankii Muslimka Ahaa Ee Mohamed Ali Oo Qarka U Saaran Inuu Dawarsado Ama Tuugsado Sabab?

(16-12-2018) Wiilka kaliya ee uu dhalay feedhyahankii Muslimka ahaa ee Muhammad Ali ayaa ku sugan xaalad nololeed oo ...

Wanda Nara Oo Diyaarinaysa Qandaraas Dabar Ku Noqonaya Mauro Icardi

(16-12-2018) Wanda Nara oo ah xaaska iyo Wakiilka ciyaartoyga reer Argentina ee Mauro Icardi oo afka hore uga ...

Farriintii Uu Diego Costa U Diray Arsenal Markii Uu Dhaawacay Laurent Koscielny Iyo Qaabkii Axmaqnimada Ahaa Ee Uu Isku Difaacay

(16-12-2018) Difaaca Arsenal ee Laurent Koscielny ayaa shaaciyey inuu u bilaabmay wax uu ugu yeedhay ‘Cutubka Cusub Ee ...

Barcelona Oo Baadi Goobaysa Beddelka Luis Suarez Iyo Xiddigaha Ay Isha Ku Hayso

(16-12-2018) Luis Suarez hadda da’diisu waxay noqotay 32 jir, waxaana kooxdiisa Barcelona u muuqatay in ay u baahan ...

Daawo Goos Gooska iyo Sawirada Manchester City oo Mar Kale Hogaanka Si Ku Meel Gaadh ah U Qabatay Maanta.

(15-12-2018) Cayaar ay maanta wada ciyaareen kooxda Manchester City iyo kooxda Everton oo ahayd horyaalka dalka ingiriiska oo ...

Layaab!: Boqortooyada Kuwait oo la ogaadey in ay lacag ka dhacday Cayaartoy waa weyn oo magac leh

(15-12-2018) Lix bilood kaddib markii dalka Kuwait uu martigeliyey ciyaar ay iskugu yimaaddeen xiddigaha waaweyn ee dunida oo ...

Dhamaan Kulamada Sabtiga iyo Saacadaha Geeska Africa ee ay bilaaban doonaan?

(15-12-2018) Waxaan idiin soo Gudbineynaa dhamaan Cayaaraha dhici doona Sabtiga ee ku tirsan Horyaalada kala duwan ee qaarada ...

Halyeygii Manchester United Ee Willie Morgan Oo Magacaabay Afarta Ciyaartoy Ee Uu Doonayo In Kooxdiisa Hore Iska Iibiso Bisha January

(15-12-2018) Halyeygii Manchester United ee Willie Morgan ayaa aaminsan in tababaraha kooxdaas Jose Mourinho ay tahay inuu iibiyo ...

May Ahayn In Arsenal Loo Ogolaado Inay Ciyaarto Europa League – Tababaraha Qarabag Oo Dood Cajiib Ah Bedka Keenay Kaddib Guushii Gunners Sabab?

(15-12-2018) Kooxda kubadda cagta Arsenal ayaa sii wadda guul-darro la’aanta xidhiidhka ah, waxaanay xalay 1-0 ku muquunisay naadiga ...

Qorshaha Jose Mourinho Ku Qaban Doono Salah, Mane & Firmino, Dhibaatada Difaaca Ee Haysata Iyo Sida Uu U Kala Xulan Doono Xiddigaha Uu Haysto

(15-12-2018) Manchester United ayaa Axadda safar ugu tegaysa Liverpool oo kulankooda ugu horreeya xili ciyaareedkan ee horyaalka Premier ...

Cristiano Ronaldo Oo Markale looga yeeray Maxkamad dalka Spain ah iyo Ciqaabta uu lakulmi doono?

(15-12-2018) Maxkamad ku taalla dalka Spain ayaa go’aamisay xilliga ay dhegaysan doonto dacwad la xidhiidha lunsi cashuuro oo ...

Magacayada iyo Sawirada 5 ta Cayaaryahan ee dhalisay Goolasha ugu badan Sanadkaan 2018

(15-12-2018) Waxaan idiin soo Gudbineynaa Magacayada iyo Sawirada 5 ta Cayaaryahan ee dhalisay Goolasha ugu badan Sanadkaan 2018 kaas ...